ماذا عساني أن أقول؟؟الله اكبر فلا تبخلوني بالنصائح (المعارف )

سلام عليكم : عندي بكالوريا 2006 قريت في مجمع التيجاني اك تعرف العام ب 2 الله غالب عييت ندوبلي على نقطة ونص ..الحقرة شريكي ماعليهش ...ايا العام هدا 2011-2012 جيت نمركي قالولي ما تقدرش وجاتنا تعليمة باش نحبسوا النظام لقديم وانت كون جيت درت راطرباج كون راك نجحت ...المهم الحالة تاعي كيما قالي رئيس القسم عمارة /ف كاين منها 87 طالب ..مع العلم اني الوقت هداك تاع راترباج كنت بمركز تدريب الامن العسكري اتدرب .المهم يا خاوتي اني حاب نكمل قرايتي وما نسمحش في الباك تاعي راه ب12 ...وحبيت نستفسر هل بإمكان إعادة تسجيل بالجامعة ومن بعد ندير ترونسفار لجامعة اخرى؟انا من الوقت هداك مارحتش سقسيت هل بإمكان يدوني لكلية أخرى؟جاوبوني وقولولي واش ندير راني نسنا

شكرا أخي ربي يجازيك بصح هوما قالولي راحت عليك مانقدروش نبدلوك للنظام ال أم دي على العموم خليت طفل صاحبي يجريلي على هد لحكاية وما نعرف .المهم هل عندما أقابل عميد الجامعة ممكن يساعدني؟الجامعة التي سأكمل فيها دراستي راني شفتها والمدير راهو قابل ...يا خاوتي نورمالمو كي يحاوزني في الكلية يدوني لكلية اخرى؟ مانيش حاب نستغل النفود يا جماعة اقسم بالله ...سقسولي ربي يحفضكم والي عندو معلومات ما يبخلناش