وش هوا قوقل ادسنس .. وكيف ادخل فلوس من موقعي .. شرح مبسط

السلام عليكم ورحمة الله وبركاته

صراحة هالموضوع ما هو جديد يا كثر الشروحات عن قوقل ادسنس

لكن صراحة تجدها معقدة علي المستخدم العربي المبتدأ في هالمجال يعني تجد راعي الموقع يبي يتعلم كيف يدخل فلوس من موقعه ويسمع عن جوجل ادسنس لكن يجهل وش ادسنس

فقلت خلني اشرحها باسلوبي بشكل مبسط جدا

بسم الله الرحمن الرحيم

قوقل ادسنس هوا عبارة عن نظام سوته شركة قوقل تعرض اعلاناتها عندك وتعطيك علي كل نقرة علي هذه الاعلانات فلوس

طبعا انت بتقول وليش تعطينا فلوس من جيبها لكن ردي عليك ان قوقل ما تدفع شي من جيبها بل تستفيد يعني يجونها ناس يعلنون عندها وهي تحط اعلانات هالشركات عندك وتاخذ نسبة

وبتعطيك فلوس علي كل ضغطة علي تلك الاعلانات لكن بشرط انك تلتزم بقوانينها

وسياستها ولا تخالفها لاجل لا تسبب لنفسك الطرد