في بطن أمي .........Interdit -18 ans

بسم الله الرحمن الرحيم
السلام عليكم و حمة الله و بركاته

اليوم جبتلكم موضوع هبااااااااال كوووووول و تعرفو الي يدخل راهو ملزوم عليه يرد
و نوضح حاجة برك
" الفكرة لاتعبر بالضرورة على شخصية الانسان " ـ

نبداو بسم الله

فطنت في كرش ماما عند الطبيب قال لماما
اووه مبروك عليك يامادام راكي بالجووووووف
و دار لبابا و قالو شوف يا سيدي لازم تتهلا فيها و لازم لها الراحة التامة و تشم الهواء تاع البحر
قالو بابا البحر انت واش بيك رانا في الخريف قالو ماعليش راهو مليح
امالا ياسيدي
راحو فرحانين بيا
راحو للبحر يا سيدي و انا نشم في الريحة تاع الحوت حتى سخفت انا نقولها يا ماما هاتيلي حوتة مشوية من ثمة
وهي تقول لبابا اوووه نروح نروح راني دوخت الريحة تاع الحوت وجعت لي قلبي
و غاضني الحال و قلت والله ما راني متحرك/ة حتى تجيني حوتة ناكلها
المهم ياسيدي مشاو روحو و يوم ورا يوم و اسبوع ورا اسبوع
صار عمري 3شهووووور في بطن امي و انا مازلت ما نعرفش روحي لاكان راني طفل ولا طفلة
واحد
النهار قررت باش نحدد المصير تسلقت الحبل السري و مشيت قطفت شعيرات دموية
و بديت ندير بالشعرة و نقول طفل . طفلة .طفل . طفلة......الخ

المهم و بعد جهد جهيد عرفت روحي بلي راني طفلة

قررت نكتب شروط باش نخرج

اولا لازم لي بورتابل و لازم واحد ما يتدخل فيا خرجت دخلت واحد مايسالني
و ثانيا لازملي دار باسمي و طوموبيل اخر طراز و لا و الله نحلف ما ني جايتها

و في الليل

ماما قالت لبابا واش حاب يجينا طفل ولا طفلة

قلتلها غير ماكلاه تحلمي راني طفلة

رد عليها بابا و قالها حاب طفل

انا تشوكيت تاع الصح و قررت نطلع لعنق الرحم و نشنق روحي بالحبل السري هايا ننتحر و خلاص

المهم يا سيدي بديت نوالف بالشوية ولى في عمري 9 غير شوية و ديت نقرب باه نخرج للدنيا
بديت نخمم في عمري و بديت ندعي يا ربي منين نخرج من نتخطب ما نقعدش نبور في دار بابا

و الله نهبل واش بيك

هيا
سيدي بقاو قطع ايامااات قلت لماما انا وراسك غير اصبري شويا حتى 14 فيفري
و أوولديني هكذا اوموا كي نتزوج راجلي يجيب كادوواحد برك منها عيد الحب و
منها عيد ميلادي

قالتلي امشي تلعبي بديت تخممي عليه من ضرك محسوب هو يخمم فيك يخي جايحة
قلتلها هيا ماما ما تهدريش عليه راني ما نحبش شوفي و الله و ما نسكتيش غير راني ما نخرجش و نخليكم

في هاذاك الوقت شوفي الي راح يغسلك المواعن غير ماكلاه تعولي

قبل بنهار برك ما نزيد عرفت بلي البيبي كي يزيد تحكمو القابلة تعطيه ضربة باه يبكي

قلت لماما نوصيك من ضرك راهي كون تضربني طاطا القابلة راني مانفاهمش معاااااك

المهم
ياسيدي في نهار 26 جانفي من الصباح و انا فاطنة و قلت لماما هيا لازم
تولديني في الصباح على خاطر كون نجي في الليل قادر ما يستعرفش بيا بابا

و يقولي ما عندناش بنااااااات يجيو في نص الليل أمشي واين كنتي

هاذي حكايتي في بطن أمي و مازالت المعاناة حتى يومنا هاذا حقروني قالولي موافقين على شروطك و من بعد زلاوني

هيا السلام نتمنى تكوووووون عجبتكم
تحياتي
AzNeK tadj

oumayma tadj كتب:

اوه يا ازناك كانو حابين طفل كون جيت في بلاصتك ما خرجتش زكارة وزيد نتي غالطة كون درتي معاهم كونطرا باش هكا ما يلعبوهالكش

Ninjaa 1 كتب:

يا سيدي واشي هادا تقول خلاصت حياتك قبل ما تبدا
ربي يشدك لمواليك ويشدهم لك
ويباركلهم فيك خرجتي واعية من كرش أمك ولا قبل ما تخرجي وانتي واعية
الله يبارك
Ninjaa1

Admin كتب:

و الله يا ختي قلبي معاك .. شفتي كيفاش غدرو بيك .. كيما قلا كون مضيتيهم على كاش ورقة يعني درتي كونطرا معاهم
يخي حالة يخي
بصح يعطيك الصحة موضوع fooooort

6efla cute كتب:

في بطن أمي .........Interdit -18 ans 540787

يا المهبولة يزينا من حكاياتك راني حنموت

واش بيك هذا راكي مدورتها حكايات على بكري كيفماه زدتي

يا ازناااك بليز احكيلهم على القصة تاع الفايس بووووك

هاذيكا تاع روميو و أزناك

حكاية تقتل بالضحك

آمنة فرحات كتب:

هههههههههههههههه و الله فكرة رايعة صح راني روطار بصح معليش انا جيت نهني طاطا ام ازناك بالمولودة
الجيدة الرائعة الجمال ازناك
و الله يا طاطا خيار ما جبتي مبرووووووووووك مبووووك
في بطن أمي .........Interdit -18 ans B0002VKSI6.03.LZZZZZZZ

في بطن أمي .........Interdit -18 ans B0002VKSI6.03.LZZZZZZZ

ولك هذه الهدية البسيطة
اامنة

chouchou كتب:

هههههههه قصتك فووووووووووووووووووووووور بزاف
بصح راكي سوفريتي قبل ما توصلي للدنيا

يعطيك الصحة ازناك دائما نستنا منك الجديد
تقبلي تحياتي

شكرا للجميع على المرور

الذي أسعدني

دمتم

تحياتي لكم

أزناك

يعطيك الصحة على الروح المرحة ... اسمحيلي نسألك : قبل الزيادة وشروطك كيما هادي ... وفي العشرين واش تشرطي شكرا على كل حال.

souli كتب:: يعطيك الصحة على الروح المرحة ... اسمحيلي نسألك : قبل الزيادة وشروطك كيما هادي ... وفي العشرين واش تشرطي شكرا على كل حال.

شكرا سولي على المرور

و آسفة على الرد المتأخر جدا

لا علينا حاليا شروطي هي ان يتركوني وشاني لانه والحمد لله كلش شيء نحتاجو متوفر

يخليوني ترونكيل برك

تحياتي لك

مممممممممممم حكاياتك و الحبس هههه
معليش اكيد باباك بدل رايو ضرك وحمد ربي لي عندو كنزة
وانا نقولك بلي كاين AzNeK وحدة او فريدة من نوعها
وعندي طلب منك
احكيلي على عام التيرمنال وركزيلي على اليامات لي كنتي تجوزي فيهم الباك
^_^

ياطيك الصحة على المواضيع الخاصة بيك هايلا هايلا هايلا °_°

اسفة على الرد المتاخر جداااااا

لكن حكاية توب كووووووووول يعني ستار نقصد PS

بصح الله غالب كون زدت قبلك كون دافعت عليك شوية

ولا نوكل عليك محامي ""ح"" هيا سيدي الحمد كي زدتي وراكي عايشة برك

امك........................... ثم ...................................امك ...........................ثم .......................امك ..............................................

حكاية توب كون ديريها روايا ماشي خير!

hhhhhhhhhh vrmnt une histoire très cooooooooool .....ma3lich majebtich 7a9ek bakri jibih dok...

هههههههههههه
هذا انتي هاك امالا خلصت عليك مع وليداتك
بصح والله راكي فوووووووور

شكرا للجميع على المرور

نورتو الموضوع وآمل ان يكون قد نال اعجابكم

تحياتي