kilwa طالب(ة) فعال(ة)
عدد المساهمات : 304 العمر : 34 الإختصاص الجامعي : علم المكتبات ومراكز المعلومات مكان الإقامة : مدينة العلم والعلماء تاريخ التسجيل : 10/05/2010 السٌّمعَة : 1 نقاط : 5775
| موضوع: هيب هوب والمنطق المقلوب الجمعة 31 ديسمبر 2010 - 0:42 | |
| السلام عليكم ورحمة الله وبركاته اما بعد راني حاب نهدر بالدارجة باش تفهموا مليح شاراني نقول وصلنا لزمان وين عاد كلش بالمقلوب وين ولى القبيح والفرفاطي يسموه شاطر وفحل وين ولى........... مولعقل والانسان الرزين يسموه المرخوف .....وين ولى الانسان الي يستحي معقد وكومبليكس ما عليش ويكليكس خير وخير...وين ولى صحيح الوجه واللسان المشرك...... ظريف ويعرف يهدر ......وين ولى المتدين والمؤمن متخلف وجاهل وميعرفش يلبس ومعندوش مستوى تعليمي مليح........ووين ولاو الضالين امين هما المتحضرين والمثقفين ...هدهى تصوراتنا الغالطة كان من المفروض كلش نسبي في الحياة كيما نظرية النسبية لاينشتاين بصح حنا نحوس على كلش مطلق سعادة مطلقة ومتعة مطلق وصحة مطلقة وجمال مطلق ما حبيناش نفهموا ...... يمتلكنا حب التملك والامتلاك والسيطرة والتدبار وحنا ماقدرناش نسيروا نفوسنا ..نحوسوا نغيروا العالم وحنا ماقدرناش نغيروا سلوكاتنا الغالطة كلما يجي عام جديد نفرحوا بيه ونتمناو لبعضنا عام سعيد......وكلما نكبروا بعام نفرحوا ونقولو نكبروا ونزيدوا لعقوبا للمئة عام وكتر ونسينا ....الهانا التكاثر حتى زرنا المقابر.......ونسينا طريق الحق او نتناساه نشوفوا هدا الطريق بصح قليل وين ندخلوا خطراكش معبي بالخوف والرجاء لالا حنا حابين نعيشوا سوعداء حتى نهار نموتوا ونسينا اهم شيء في الوجود وهو الى اوجدنا من العدم في حياة كثير منا هولا شيء سوا بالهدرة برك احب الله ساهلة بالقول بصح راهي واعرة بالفعل خطراكش لازمك تتعب باش تولى تحب الله بالفعل كيما رانا نتعبوا في قرايتنا الي ماتنفعنا غير في دنيتنا هدا ادا نفعتنا كيما رانا نتعبوا في جمع الدراهم والسوارد كيما رانا نتعبوا في كسب الناس ونحاولوا نقنعوهم بلي رانا ملاح بصح الي خلقك برك هو الي عمبالوا ادا كنت هكداك ولا ...لالا ولينا في زمان عاد الي مايسواش عاد يسوى والي سواك عاد لاشئ الا في الظروف الصعبة واين تجي هديك الانقلابات الفصلية في حياتنا نتفكروه وعلى فكرة الابتلاء نعمة خطراكش فكرنا في مولا النعمة ومن بعد الانقلابات تجي الاعتدالات الفصلية واين ينسى المخلوق مولاه او يتناسا كل واحد منا يسال روحوا هل الحياة مطلقة هل السعادة في الدنيا مطلقة هل المتعة مطلقة هل الصحة مطلقة هل الجمال مطلق هكدا بلا حدود ولا قيود ادا كان الجواب لالا ملا علاه نتعبوا في رواحنا على حاجة مهيش كاملة راهي لاتستحق اكثر من الي عطيناها لبلاك لاتساوي شئ قدام الحياة الاخرى الانسان انما هو ايام ان مضت مضى بعضه ونقص حنا حاطين رواحنا رانا نكبروا بصح رانا قاعدين غير نسغاروا في العمر ورنا نقتربوا اكثر واكثر من الحفرة وحنا لاهيين وفرحانين...........ادا كان الواحد منا مكتبلوا ربي يعيش 60 سنة وصل عمرو الى 55 مايقولش كبرت يقول صغرت على خاطر صغار عمرو وما بقلوش غير 5 سنين برك ويموت على كل حال اهل مكى ادرى بشعابها وكل واحد منا عمبلوا فواه راه مقصر ادا اردت التغيير الى الاحسن اجعل اهم اولوية من اولوياتك واهم هدف من اهدافك واسماها ان تحسن دائما وابدا علاقتك بالله الصحة تاج فوق رؤوس الاصحاء لا يراه الا المرضى والوعي تاج فوق رؤوس العاقلين لا يراه الا المجانين ......اسالوهم
وهدي النصيحة هي ليا بالاول وليكم وشكرا لكل من قرا الموضوع مسبقا
| |
|