| أزناك نحبها ونحب الي يحبها ((روميو و أزناك )) | |
|
+5ayat07 maroua.tadj دينو zzz888 Kenza Dk 9 مشترك |
كاتب الموضوع | رسالة |
---|
Kenza Dk ::. إداري سابق .::
عدد المساهمات : 1948 العمر : 34 الإختصاص الجامعي : °.•.☼. • بيولوجيــــــا •.☼.•° مكان الإقامة : °•.♥.• دارنا •.♥.•° تاريخ التسجيل : 22/10/2009 السٌّمعَة : 77 نقاط : 10854
| موضوع: أزناك نحبها ونحب الي يحبها ((روميو و أزناك )) الأحد 28 مارس 2010 - 16:35 | |
| وين رحتو يا لحباب عندي بزااااااف ما تمهبلتش عليكم ارواحو اليوم نحكيلكم على قصة هي ماصراتش معايا هي قصة كاينة صح بصح أكيد بلمسات أزناكية هو عباررة عن مسلسل يعني نضع الموضوع كي العادة على شكل حلقات و نتناقشو في كل حلقة حتى نوصلو للحلقة الاخيرة هيا تبعوني نبداو بسم الله الحلقه الاولى المكان : الكلية المركزية بجامعة منتوري قسنطينة الوقت :اول يوم في الدراسة الشخصيات: روميو : "أكبر واحد في الجامعة يظل يعاود في العوام" شاب في الثالثة والعشرين ولازال في السنة الثالثة بالكلية لحقو عليه لي برومو كامل . أزناك: فتاة في الثامنة عشر مدللة والديها صغيرتهم بعد شابين يكبرانها سنا في أول سنة لها بالجامعة, فتاة جميلة محجبة. كريم : صديق روميو بالسنة الرابعة وهو طبعا اصغر من روميو. شيرين : صديقة كريم وروميو ,بالسنة الثالثة , قريبة لأزناك من بعيد. ******************** حديث يدور بين شابين يدخنان في ساحة الكلية (تحت الساعة) في الكلية وهو مكان يكشف بقية ساحة الكلية روميو وهو يلتفت بجسده وعينيه خلف فتاة تسير امامه نافثا دخان سيجارته روميو: البرومو الجديدة باينة فوور خلاص . كريم: صح و الله عندك حق ماشي كيما الي كانوا معانا في البرومو تاعنا, حقى انت عدات عليك البرومو تاعنا و الي قبلها و الي وراها و ديجا واش راك ناوي تنجح السنة ولا كي كل مرة .
احمد: اوف واش هاد الهدرة السامطة ، اليوم هو اول نهار تاع الجامعة , خليك خفيف باه نبقى نحبك. كريم: يييييييه هاهي واين شيرين وصلت انا رايح على خاطر جاية و جايبة معاها واحدة صاحبتها . كاد روميو ان "يهرب" رفقة كريم ولكنه رأي ان الفتاة التي مع شيرين من الدفعة الجديدة , ورأي أن من واجبه كأقدم واحد بالكلية ان يستقبل الدفعة الجديدة التي طبعا كانت جميلة ورقيقة. ********************* أزناك: راني خايفة يا شيري كون ما نديرش الصحاب في الجامعة . شيرين: هههه امالا هادي اخر حاجة تخممي فيها باسك في الجامعة تديري الصحاب كي الكاوكاو . أزناك: انا قاعدة نقولك هكا باسك انا ما نحبش الجمايع تاع الذكورة مع البنات و السماطة تاع لي جوون تاع الوقت هاذا .و زيد خاوتي وين رايحة نحطهم يسمع بيا واحد منهم يذبحني . شيرين: ااااااف من خاوتك هاذو الي مهبلتنا بيهم يابنتي هنا عادي , الناس كامل اصحاب في بعضاهم , علاه انتي ماكانش عندك اصحاب دكورة في المدرسة و الليسي . أزناك: صح , بصح كانوا كامل اصحابنا وجيراننا من بكري وماكانش منهم خوف على خاطر كانو صحاب خاوتي , وزيد انا ماكنتش نحب نقعد معاهم باسك ما نحبش الجو هاذا . شيرين بصوت خافت: هكا قلت انا على بالي دووك تغلبيني معاك. ثم بصوت عالي : ااااي شكون هادوك يااااااي
كريم و رووومي . أزناك تصيح وهي تحاول اللحاق بشيرين التي توجهت نحو الشابين : واين رايحة؟ يخي كنا رايحين نجيبو التوقيت تاعي ؟. ******************* اقتربت الفتاتان من روميو لان كريم كان قد غادر , عدل روميو من هندامه كما يفعل كلما قابل وجه جديد ضربت شيرين بكفها علي كف روميو وهي تقول: شيرين : واين هاد الغيبة يا روميو. رد عليها برتابة: في الدنيا واين رايحين نروحو ؟ شيرين :ااااف واش السماطة هادي وزيد كريم علاه هرب كلي شاف واحد يسالو دراهم . روميو: على خاطر تفكر واحد صاحبه كان يستنى فيه . شيرين : اااااااه. روميو بتسبيل : عرفينا يا سيدي . شيرين : لالا ما نيش رايحة نعرفك ، هاذي غير اخطيك .ماشي تاعك . شعرت أزناك بالحرج من الكلام الذي يدور وحاولت ان ترد بأي شيء فصمتت اخرجت شيرين تليفونها المحمول وطلبت رقماً: شيرين: يعطيك الصحا يافرحتي بالرجالة
علاه منين شفتني هربت. ومدت برجليها بعيدا قليلا عنروميو وازناك روميو: انتي باينة العام الاول تاعك؟ روميو في رأسه* اكيد باسك جامي شفتك هنا . أزناك بخجل :انعم أزناك في رأسها *اووف يا شيرين ازربي كملي . روميو: جبتي التوقيت ولا نجيبهولك . أزناك وقد ارتبكت : لا لا... راني رايحة مع شيرين يعني نهزووووه . روميو: اقعدي هنا 2 دقايق . وانطلق كالصاروخ مغادرا اياها ,في نفس الوقت الذي انهت فيه شيرين المكالمة شيرين:يا ربي وين راه هادا تاني ؟ أزناك : مانعرف , قالي استناي وجري و زيد احكمي فمك شوية.....
شيرين: أزناك حنونة لازم تكوني كووول شوية يا ماما مفيها والو ماكلاه تسمطيها الحاجات هاذي دركا مبقاتش عيب و حرام خليك دركا و قوليلى هو قالك راني راجع ولا واش قالك بالضبط؟ أزناك: ماقال والو هيا نروحو. شيرين : لالا استناي هاهو, واش بيه يجري هكا علاه ؟ وصل روميو لاهثاً ومد يده بورقة الي أزناك روميو: هاكي يا لالة , التوقيت تاع سنة اولي. نزعت شيرين الورقة من يده وهي تجذب يد أزناك بعيدا شيرين: يعطيك الصحا يا سيدي , بصح ريح روحك , قلتلكماهيش تاعك . اعترض طريقهم قبل ان تغادرا روميو : واين واين, رايحين ؟ شيرين : انت يخي جبت التوقيت , خلاص باي باي الطفلة مازالت جديدة رايحين ندورو شوية في لافاك. تجاوزتاه وهو يتابعهما ببصره قائلا روميو : نجي معاكم. شيرين تهتف وهي تجر أزناك ورائها جراً شيرين : لالا كثر خيرك. ظل روميو يتابعهما ببصرة وهو يقول في نفسه *وويعني شكون هاذي الي شيرين خايفة عليها بزاااف هكا؟؟؟ , واش فيها زايد على البنات الاخرين؟؟؟. أزناك وهي تكاد تركض خلف شيرين , التي انطلقت وكأن كلب يجري خلفها *ويعني شكون هاذا الي شيرين خايفه عليا منو بزاااف , هي مشي كانت تقولي الناس هنا كامل اصحاب نورمال؟؟؟
تابعوووووووووووووووني
| |
|
| |
zzz888 طالب (ة) مميز(ة)
عدد المساهمات : 513 العمر : 35 تاريخ التسجيل : 26/03/2010 السٌّمعَة : 1 نقاط : 6119
| موضوع: رد: أزناك نحبها ونحب الي يحبها ((روميو و أزناك )) الأحد 28 مارس 2010 - 17:33 | |
| شكراااا رانا نتبعوا فيك | |
|
| |
دينو طالب(ة) فعال(ة)
عدد المساهمات : 231 العمر : 34 الإختصاص الجامعي : علوم المادة مكان الإقامة : عالمي الخاص تاريخ التسجيل : 28/10/2009 السٌّمعَة : 6 نقاط : 5806
| موضوع: رد: أزناك نحبها ونحب الي يحبها ((روميو و أزناك )) الأحد 28 مارس 2010 - 18:06 | |
| ايه والله راكي تعرفي تتمهبلي ازناك انا تاني نولي نتمهبل كيفك ههههههههه | |
|
| |
maroua.tadj :. مشرف سابق .:
عدد المساهمات : 331 العمر : 33 الإختصاص الجامعي : BiOlOgIe مكان الإقامة : ds la troisiéme planéte la plus rapprochée au soleil.foyer de l'umanité.....deviner تاريخ التسجيل : 29/12/2009 السٌّمعَة : 14 نقاط : 6164
| موضوع: رد: أزناك نحبها ونحب الي يحبها ((روميو و أزناك )) الأحد 28 مارس 2010 - 18:20 | |
| مرسي كيوتي و رانا ديما نستناو الجديد و شعاري مع ازنــــــــــــــــــــــــــــــــــــــــاك ديما الجديد | |
|
| |
Kenza Dk ::. إداري سابق .::
عدد المساهمات : 1948 العمر : 34 الإختصاص الجامعي : °.•.☼. • بيولوجيــــــا •.☼.•° مكان الإقامة : °•.♥.• دارنا •.♥.•° تاريخ التسجيل : 22/10/2009 السٌّمعَة : 77 نقاط : 10854
| موضوع: رد: أزناك نحبها ونحب الي يحبها ((روميو و أزناك )) الثلاثاء 18 مايو 2010 - 11:15 | |
| الحلقه الثانيه
لم ير روميو الفتاة مرة اخري وطبعا نسي فالدفعة مليئة بالوجوه الجديدة التي كان مشغولا بالتعرف عليها, فهو من أثارات الكلية ,مضى حوالي الاسبوع الي ان لمحها تسير بين فتاتين تتوجهان قرب الكافيتيريا وقرب مكانه العتيد بجانبها. ****************** لم تشغل أزناك بالها بما حدث هذا اليوم كثيرا ولكنها احتفظت بالجدول ,ورأت روميو عدة مرات بالكلية فهو لا ينفك يدور بالكلية يسلم علي اصدقائة من كل السنوات الدراسية , وكانت تشعر بالفضول كلما رأته خاصة والسلوك الغريب الذي انتاب شيرين حين حاول التعرف عليها . هاهو يقف بمكانه المعهود , لا ارجوكم دعونا لا نمر من جانبه , ييييه لقد رأني , تري ماذا سيفعل ؟, هل سيشيح بوجهه بعيد , يا ربي انه يبتسم. ****************** ابتسم روميو فيما اقتربت الفتيات منه وهن مستغرقات في الحديث الا مني أزناك التي تعلقت عيناها بعينيه , فابتسم لها , اطلت من شفتيها ابتسامة مترددة ,فانتبهت صديقتها ان أزناك لا تسمعها فالتفتت لتري لمن تبتسم فقالت : سارة: أهلا بروميو ؟ روميو وهو لا يذكر اسم الفتاة التي تسلم عليه ولكن لم يبد عليه شيئاً روميو: الحمد لله , وانتي ؟ سارة:الحمد لله . نظر الي أزناك مباشرة في عينيها وقال : روميو: واش راكي ؟. تمتمت أزناك بشيء في خفوت معناه الحمد لله فقالت سارة سارة: آوو تعرفو بعضاكم ؟ أزناك :اممم نعم بينما قال روميو :لا فتورد وجهها احمراراً فسارع روميو يقول روميو : نقصد اتعرفنا علي بعضانا بصح منعرفوش اسامي بعضانا سارة: برك هادا ماكان اوكي روميو .. أزناك مد روميو يده *هكا مليح روميو :متشرفين أزناك مدت أزناك يدها بتردد* اووووف راني مانحبش الي يسلمو باليد أزناك :ليا الشرف. ضغط روميو كفه برفق وفي سرعة على يدها اصابعها التي بالكاد لامست يده وتركها سريعا كأن لم يضغط مما جعل وجهها يحمر قليلاً روميو* اول مرة طفلة تحمر على خاطر سلمت عليا أزناك *يخي طفل ***************** بعد هذا اليوم بأيام رأي روميو أزناك, لم يرها صدفة , بل كان ينتظرها عند المدرج , وقد قارب موعد انتهاء محاضرتها , وقد لا حظ انها من ليست هواة حضور المحاضرات, وهذا شيء غريب على غير الصف الاول في الكلية ,لم ينتظر كثيرا كان متوقفا مع مجموعة من اصحابه في السنة الثانية بالكلية اذ لا حظ نزول الصف وبينهم أزناك, لم يتحرك نحوها , بل توقف في مكان يراه فيه النازلين من المدرج , واثقا من انها ستراه فيه. رأت أزناك روميو , اول ما نزلت من المدرج وجدته امامها واقفا يضحك بصوت عال مع اصدقائه , تعلقت عيناها به بينما قالت سارة سارة: الطفل هذا تقول عليه عسل من الي عرفتو وأنا نضحك قالت فتاة اخري معهما ميرنا: شكون ؟؟ روميو , ايه صح في الاول كي دخلت كنت رايحة نمووت عليه بصح قالولي ما يحبش الصغيرات في العمر. سارة: على خاطر هو كبير بزااف عندو شحال وهو هنا قولي دركا راهو في عمرو 24ولا أكثر . ميرنا: أرواحي أرواحي نسلم عليه. وتجاوزا أزناك متوجهتان صوب روميو , وهي كالمصدومة خلفهما , الي اين هما ذاهبتان , لا , سأنصرف انا. التفتت اليها سارة ملاحظة تجمدها في مكانها سارة:واش كاين يا بنتي علاه جمدتي في بلاصتك اتحركي. أزناك : شوفي يا سارة روحو انتوما وانا نروح للكافيتريا والحقوني من بعد كي تكملو .اوكي سارة: أوكي ماناش رايحين نطولو وتوجهتا نحوه وسارة تسمع صوتهما : روميو واش حالك . *انا ماعندو ما دخلني هوما حابين يوقفوا معاه هوا حرين . وقف روميو مترقبا أزناك والحديث الذي يدور بين الفتيات من بعيد , يبدو انه عليه , فتعمد اعلاء صوته بالضحك , جيد ,ها هن الفتيات يقتربن , ما هذا ؟ لماذا تسمرت أزناك ؟ مالذي يحدث؟,لا لا لا الي اين هي ذاهبة؟ يا الله , لقد ذهبت ,غلا الدم في عروقه , لقد دنت منه فتاتين لا يذكر اسمهما حتى , ما هذا الحظ؟. *اوكي يا أزناك، تديري لي هكا ... مانيش أنا الي تصرالو هكا مع طفلة أوكي درك تشوفي ..
| |
|
| |
ayat07 طالب(ة) جديد(ة)
عدد المساهمات : 3 العمر : 34 تاريخ التسجيل : 10/01/2010 السٌّمعَة : 2 نقاط : 5228
| |
| |
القناص .: مرشح للإشراف :.
عدد المساهمات : 1781 العمر : 37 الإختصاص الجامعي : التخطيط العمراني مكان الإقامة : قسنطينة تاريخ التسجيل : 03/04/2010 السٌّمعَة : 19 نقاط : 8861
| |
| |
Ninjaa1 .:: المدير التنفيذي ::.
عدد المساهمات : 2415 العمر : 33 الإختصاص الجامعي : علوم اقتصادية مكان الإقامة : Home sweet home تاريخ التسجيل : 28/08/2009 السٌّمعَة : 76 نقاط : 11057
| موضوع: رد: أزناك نحبها ونحب الي يحبها ((روميو و أزناك )) الثلاثاء 18 مايو 2010 - 18:51 | |
| فوتيلنا هاد الحلقات ولحقينا للحلقة الأخيرة اللي وصلتيلها من قبل راني حفظت المسلسل ونستنا فلا سيويــت | |
|
| |
Kenza Dk ::. إداري سابق .::
عدد المساهمات : 1948 العمر : 34 الإختصاص الجامعي : °.•.☼. • بيولوجيــــــا •.☼.•° مكان الإقامة : °•.♥.• دارنا •.♥.•° تاريخ التسجيل : 22/10/2009 السٌّمعَة : 77 نقاط : 10854
| موضوع: رد: أزناك نحبها ونحب الي يحبها ((روميو و أزناك )) الثلاثاء 18 مايو 2010 - 20:39 | |
| شكرا اية + القناص + نينجا
على المرور
و بالعقل برك راني رايحة نمشي فيهم كي نكون آلاز ونجيبها الحلقة ورا أختها
تحياتي لكم
ماتقلقوش برك
| |
|
| |
اثيرة الوجدان طالب(ة) جديد(ة)
عدد المساهمات : 24 العمر : 31 الإختصاص الجامعي : باك هاد السنة مكان الإقامة : توحشت العاصمة و القصبة مي الله غالب راني في عين مليلة تاريخ التسجيل : 01/09/2010 السٌّمعَة : 1 نقاط : 5039
| موضوع: رد: أزناك نحبها ونحب الي يحبها ((روميو و أزناك )) الخميس 2 سبتمبر 2010 - 15:04 | |
| ههههههههههه واش راح ديروا سيناريوهات هه اوك مرة اخرى و نقراها بويسك راها طوييلة بزااف لي رجعه | |
|
| |
*-sami-* طالب (ة) مجتهد(ة)
عدد المساهمات : 182 العمر : 33 الإختصاص الجامعي : مجهول مكان الإقامة : معكم سامي من كو تاريخ التسجيل : 02/09/2009 السٌّمعَة : 6 نقاط : 5953
| موضوع: رد: أزناك نحبها ونحب الي يحبها ((روميو و أزناك )) الخميس 2 سبتمبر 2010 - 18:50 | |
| اهلااااااااااااااااا ايه راكي قلتيها
اني توحشت نشوف واحد مهبول هههههه
المهم حبيت نسجل حضوري ترقبا للقادم ههههه
شكرا على القصة او الرواية او المسلسل كيما تحبي سميه
اخوكي سامي
| |
|
| |
| أزناك نحبها ونحب الي يحبها ((روميو و أزناك )) | |
|